Shadow

Renewable Energy Council sang Negros Occidental igatukod

Probinsya sang Negros Occidental ang maga tukod sang Renewable Energy Council.

Ini suno kay Negros Occidental Governor Eugenio Jose Lacson kasunod sang pagsapol sang REpower Negros ukon Renewable Energy Power negros nga gina pamunuan ni anay Negros Occidental governor Rafael Coscolluela kag San Carlos Bishop Gerardo Alminaza.

Suno kay Lacson paga desisyunan pa kun sino ang mangin katapo sang amo nga council lakip na kun sino ang magapamuno sini.

Posible suno sa gobernador ini ang maga gikan sa pribado nga sektor.

Suno naman sa obispo ang ila nga grupo nga gina tawag REpower Negros ukon Renewable Energy Power Negros ang nagaduso magbulig sa probinsya tukod sang road map para sa transition sini ukon pagpadulong sa pag gamit sang 100 percent renewable energy.

Daku suno sa iya ang potential sang Negros Occidental para diri.

Dugang pa ni Alminaza ini ang target para sa bug-os nga isla sang Negros.

Leave a Reply

Your email address will not be published. Required fields are marked *

Secured By miniOrangeSecured By miniOrange