Provincial Veterinary Office ang nagsakdag sang Veterinary Relief kag Rehabilitation Mission sa mga lugar nga gin-igo sang Bagyo Odette.
Una nga ginsakdag ini sa siudad sang Kabankalan kun sa diin masobra sa 300 ka mga mangunguma ang nag benepisyo.
Isa naman ka bulan humalin sang mag-igo ang bagyo Odette pero manug sugod pa lamang ang recovery kag rehabilitation efforts suno sa kay Dr Ada Lemana sang Provincial Veterinary Office.
Ginalantaw maga lawig ini labi na ang sa bahin sang backyard raisers.
Masobra sa 742 million pesos ang balor sang halit nga natuga sang bagyo odette sa mga kasapatan lakip na supplies kag infrastructure base sa record sang provincial vet.
Kaupod ang mga partners sini, ginpatigayon ang consultation, treatment, deworming, pag hatag sang mga feeds kag veterinary drugs, medicines kag supplement kag iban pa gid nga laboratory services.
Tinutuyo sini nga mabuligan ang mga kasapatan nga maka recover kasubong man mapaayo ang performance sang sini nga mga kasapatan para man masabat ang post-typhoon shortage sa livestock
kag poultry products sa local market.
Naka schedule ang amo nga hilikuton sa dose tanan ka mga LGU sa 5th kag 6th district.
Samtang, ginturn-over man sa masobra 400 ka mga mangunguma ang crop insurance indemnity claims nga naga balor sang halos duha ka milyon ka pesos sa banwa sang Pontevedra.
Lakip na diri ang 20 ka sako nga bugas kasubong man utan.
Suno kay Dina Genzola ang OIC sang Office of the Provincial Agriculturist kabahin man ini sang bulig sa apektado sang bagyo Odette.
Sa kabilugan 27 milyones pesos ang natalana nga i-turn-over nga indemnity checks.