Na recover sang PNP kahapon ang masobra isa ka milyon ka pesos nga balor sang ginapatihan shabu sa buybust operation sa Barangay Rizal sa San Carlos City.
Arestado sa buybust ang 47 anyos nga si Cesar Pasigay nga ginakabig high value individual kag top 8 drug personality sa siyudad.
13 ka sachet sang suspected shabu ang nakuha sa iya nga ginabulubanta naga balor sa P1,088,000.
Ginahibalo pa sang PNP kun may kaangtanan ini sa na recover man nga 10.2 milyones pesos nga iligal nga droga sa siyudad sang Enero 12.
Kaso nga pag lapas sa RA9165 ang ginpasaka na batuk kay Pasigay.