Paga suguran na sang gobyerno national ang pagbakuna sa mga kabataan nga naga edad lima tubtob onse ka tuig sa madason nga semana.
Gin aunsyo ni National Inter Agency Task Force against Covid-19 chief implementer kag vaccine czar Secretary Carlito Galvez Jr sa iya nga presentation sa kay Presidente Rodrigo Duterte sa Talk to the People Address.
Nagpasalig si Galvez nga safe kag epektibo ang bakuna. Dugang pa niya, naka handa na ang gobyerno sa pagpatigayon sang pediatric vaccination matapos ang serye sang trainings kag orientation sang US Embassy Department of Health.
Mapagwa ang NIATF sang memorandum guidelines sini nga semana kag sa madason nga semana maga abot na ang supply sang bakuna gani gina paabot nga sa Pebrero kwatro, Biyernes, maka sugod na ang pagbakuna sa mga kabataan.