Reklamo batuk sa pagbakal sang siudad sang 74 ektariya nga duta sa Barangay Granada ang ginakabig ni Mayor Albee Benitez nga isa ka propaganda.
Paagi sa gin-release nga statement ni Punong Barangay Caesar Distrito nga spokesperson ni Mayor Albee Benitez liwat nga ginpanginwala sang alkalde nga may reklamo ukon pormal nga criminal kag administrative complaints nga ginpasaka batuk sa iya kag sa Bacolod LGU.
Para sa alkalde wala sila sang may nabaton nga kopya sang reklamo kag ini ang iya ginakabig nga election propaganda lamang ilabi na nga naga hilapit ang adlaw ang pinili-ay.
Gindugang niya nga may mga alkalde na sadto nga nag pamakal man sang duta kag napasakaan sang kaso pero ini tanan ang na-dismiss sang Ombudsman.
Ginpahayag naman sadto ni City Legal Officer Karol Joseph Chiu nga nag-agi sa proseso ang pagbakal sang duta nga karon nasaylo na siudad ang titulo.
Ang pagbakal sang duta kabahin sang landbanking program sang siudad nga gintalana para sa housing program, animal shelter kag iban pa nga development project nalakip ang ginadihon nga 70 megawatt solar power farm.