Negros Power magatalana sang 20 ka teams sa probinsya, lakip na sa Bacolod para masiguro nga tayuyon ang supply sang kuryente sa adlaw sang pinili-ay.
Ginsiling ni Bacolod Election Officer Atty. Revo Sorbito nga kabahin sang ginpasalig sang tagdumalahan sang Negros Power sa ila pagsinapol ang pagpasiguro sang tayuyon nga supply sang kuryente sa adlaw sang pinili-ay.
Kabahin diri ang pagtalana sang power supply generator sa canvassing area agud mapaiway ang pag-brown out sa igapatuman nga automated elections.
Ginpayahag ni Customer Care Department Assistant Vice-President Maricel Pe, ang Negros Power ang maga-deploy sang 20 ka mga teams sa pila ka mga banwa kag siudad sa probinsya agud nga insigida nga matagaan atensyon ang posible pagluntad sang power interruption.
Kabahin sa ginahimo nga pagpanghanda sang distribution utility ang pagpatuman sang inspection sa mga linya sang kuryente kag mga pasilidad.