Gina paabot nga maga lawig sa duha ka bulan ang liwat nga round sang feeding sang probinsya sa mga internally displaced persons.
Ini suno kay Negros Occidental Governor Eugenio Jose Lacson nga nagsiling nga maga gikan na ini sa 50 million pesos nga ginhatag sang Malacanang nga pondo.
Wala labot sa sud-an gastuhan man sang probinsya ang bugas nga paga gamiton sa amo nga community kitchen.
Ginsiling man ni Governor Lacson nga wala labot sa feeding ila man gin painan sang pondo gikan sa 50 million pesos ang site development para sa permanent relocation nga apektado nga pumuluyo sang La Castellana kag Bago City.
Damlag pa ginsiling ni Lacson nga 14 million pesos ang gin pain para sa site development sa La Castellana kag 1.3 million pesos naman para sa Bago City.
Ang La Castellana suno kay Lacson, ginsiling na sang Alkalde sini, Mayor Rhummyla Nicor Mangilimutan nga depleted na ang ila nga Quick Response Fund kag panugod pa lang sang tuig.
Typhoon prone pa ang probinsya gani naga pangaman man ang mga LGU sa kasubong nga mga kalamidad.
Matapos ang duha ka bulan naga laum kag naga pangamuyo si Lacson nga tigayon ma downgrade ang Alert Level sang bulkan Kanlaon.
Iya man ginsiling nga sa karon, daw indi pa matigayon ini kay bisan gani ang Office of the Civil Defense padayon ang pag panghanda para sa Alert Level 4.