Patay na sang mag abot sa Don Salvador Benedicto Memorial District Hospital, sa La Carlota City si Patrolman Kenneth Casuya sang Police station 9 sang Bacolod City Police Office.
Ini matapos mabunggo sa truck ang iya ginadala nga motor sa National Highway sang Taytay Candaguit, Barangay Baliwagan, banwa sang San Enrique, Hwebes sang hapon.
Taga Barangay Miranda sa Pontevedra ang biktima kag padulong kuntani sa Bacolod sang Hwebes.
Sa imbestigasyon sang San Enrique PNP, nag lapaw sa iya nga lane samtang nagadalagan sa naga kurbada nga dalan ang pulis kag nabunggo sa isa ka truck.
Ginhingagaw pa dala ang biktima sa ospital apang gindeklarar nga dead on arrival.
Temporaryo nga gin-detain sa San Enrique PNP ang driver sang truck.