Dugang pa nga 5 million liters a day (MLD) nga supply sang tubig ginaplano sang Baciwa-PrimeWater nga kuhaon gikan sa suba sa Murcia matapos nagnubo ang supply karon nga tig-ilinit.
Halin sa 84MLD nga supply sang tubig nagligad lang nga bulan, nanaog sa 77MLD ang water supply sang Bacolod rason nga ma batyagan ang kakulang sang supply sa pila ka mga barangay.
Ginpahayag ni Mayor Albee Benitez nga ginadihon na sang Baciwa-PrimeWater ang pag-tap sang supply gikan sa Caliban River nga sakop sang banwa sang Murcia.
Ginapaabot sang alkalde nga ini ang mahingaw agud nga mapun-an ang malapit 10MLD nga kulang nga supply.
Ginabulubanta nga maka-kuha sang dugang nga 5MLD ang Baciwa – Primewater paagi sa Bacolod Bulk Water Incorporated.
Samtang gina abi-abi sang alkalde ang ginaplano nga feasibility study sang Helpmate Incorporated, isa ka water supply nga nabase sa Cebu nga nagaplano mangin dugang nga water concessionaire sa siudad.