Gin-detain sa Police Station 8 sa Bacolod si Patrolman Alvin Rios matapos nga iya matiruhan kag mapatay si PSSg Jotham Arem Tuto sa Camella Subdivision sa Barangay Tangub Biyernes sang hapon.
Gintiro sang suspek nga si Rios ang iya pareho nga pulis nga si Tuto gamit ang iya service firearm.
Suno sa hepe sang Police Station 8 nga si Police Major Eugene Tolentino, naabtan sang suspek ang iya anay live in partner nga kaupod sa kwarto ang biktima nga pulis gani iya ini nga gintiro.
Ginhingagaw pa dala sa ospital ang biktima pero gindeklarar nga dead on arrival.
May anak ang suspek sa iya anay live in partner nga iya gina bisita. Dugang pa ni Tolentino nga base sa ila pag usisa sa suspek indi niya pa mabaton nga may iban na nga kahagugma ang iya anay live in partner.
Nakuha sa crime scene ang 9mm pistol, duha ka fired cartridges kag apat ka mga magazine nga may unod nga mga bala. Gilayon nga na aresto si Rios matapos ang krimen.
Pasakaan siya sang kaso ng murder.