Grade 11 student patay sa pagpaniro. Wala nakaluwas ang 20 anyos nga si Nicus Balagosa matapos gintiro sa sulod sang ila puloy-an sa Granada Heights Subd. Barangay Granada, sa siudad sang Bacolod kagab-i.
Suno kay P/Capt. Portia Nillosan, Hepe sang Police Station 5, naabtan sang duha ka suspek nga naga billiard ang biktima. Nagpalagyo ini pasulod sa ila balay pero ginsulod pa gid siya kag gintiro sang apat ka beses. Nag angkon siya sang igo sang bala sa dughan kag paa.
Gilayon nga gindala si Balagosa sa ospital pero gindeklarar nga dead on arrival.
Nakuha sa crime scene ang 3 ka empty shells sang .45 Cal pistol kag 2 ka slug.
Natalana siya kun tani nga magsaulog sang iya birthday sa June 25 sa shelter para sa mga gin rescue nga mga ido sang Bach Project pero indi na ini matigayon.
Suno sa PNP, tigayon nga nakilala ang suspek pinaagi sa cctv camera. Amay sang iya nga schoolmate nga babaye ang nagtiro sa iya.