Super bigtime ang saka sa presyo naman sang LPG. Suno kay REGASCO Presidente, Arnel Ty, P18 ang ila gina paabot nga saka sa kada kilo sang LPG.
Buot silingon sa kada 11kg nga ginabakal nga LPG malapit sa P200 ang isaka sa bili. Dugang pa niya, pahat-pahaton lang nila ang pagpatuman sang saka.
Sa bwas, Sabado napulo ka pesos lang anay ang idugang nila sa presyo sang kada kilo sang LPG.
Sa masunod nga Sabado, October 10 madugang pa gid sila sang P5 kag sa October 17 ang P3 nga dugang.
Suno kay Ty nagsaka man kuno ang presyo sang LPG sa world market kag nag saka pa gid ang shipping cost sini.
Yara karon sa masobra sa P1400 ang isa ka 11kg nga LPG kag kun tigayon nga madugang na ang saka sa presyo mangin masobra na sa P1600 ang bili sini.
[sibwp_form id=1]