Provincial Task Force para sa RSSI ang iga tukod. Tuyo sini nga mag tutok sa peste labi na nga ang RSSI naga apekto indi lamang sa tubo kundi pati na sa iban pa gid nga pananom.
Miyerkules sang aga nagsapol kay Negros Occidental Governor Eugenio Jose Lacson, ang mga tiglawas sang Philsurin, Confed, Office of the Provincial Agriculturist, Department of Agriculture kag iban pa gid nga stakeholders angut sa problema nga dala sang RSSI nga gin-report nag apekto sang 32 percent sang katubuhan sa Negros Island Region.
Sa amo nga pagsinapol suno kay anay SRA Administrator kag Adviser sa Confed Presidente, Rafael Coscolluela nag hilisugot ang tanan nga naga pabilin ang state of calamity sa probinsya nga amo ang mangin basehan sa pila ka mga tikang nga ipatuman.
Suno kay Coscolluela maga issue si Governor Lacson sang Executive Order para sa provincial task force nga maga tutok lang gid sa peste, nga naga apekto indi lamang sa tubo kundi pati na na sang mga mais kag mga utan.
Paga dal-on man diri ang mga local government units. Kag maga tutok pati na sa mga barangay level angut sa surveillance kag mapping.
Sa karon wala sang real time data sang apektado sang RSSI.
Bahin naman sa mga bio-control agents nga maga pamatuk sa RSSI, suno kay Coscolluela wala man sang datus sa production capacity kag indi man mapat-od kun ano gid ang kadamuon nga kinahanglanon.
Importante nga mahibaluan ini nga mga bagay para mapun-an ang mga kinahanglanon.
[sibwp_form id=1]