Gin-anunsyo sang Negros Power, Northern Negros Electric Cooperative kag Negros Occidental Electric Cooperative nga magasaka ang ila sukot sa kuryente para sa June nga billing.
Suno sa Negros Power, masobra duha ka pesos per kilowatt-hour ang saka sa ila average residential electricity rate, kung diin P13.84 per kWh ang ila sukot sa sini nga bulan.
Yara naman sa P12.36 per kWh ang electricity rate sang NOCECO.
Samtang, P12.96 per kWh ang sukot sa kuryente sang NONECO.
Kapin piso ang saka sa presyo sang kuryente sang NOCECO kag NONECO sini nga bulan.
Ginalantaw rason sang pagsaka sang presyo sang kuryente amo ang pagsaka sang bili sini sa Wholesale Electricity Spot Market (WESM) matapos gin-lift sang gobyerno ang temporary suspension sang market price.
Suno sa NONECO kag NOCECO, agud indi matam-an ang mga konsumedor, imbes isahan nga ipatuman ang saka nga masobra P3 per kWH, ila gin-negosyar sa Energy Regulatory Commission ang staggered payment schedule kung diin porsyon lang sang total nga saka ang ibutang sa billing sini nga Hunyo kag ang nabilin nga balance ang pagabayaran sa masunod nga duha ka bulan.
[sibwp_form id=1]