Pilas sa tiyan ang naangkon sang 17-anyos nga Grade 9 student matapos ginbuno sang Grade 10 nga estudyante sa Teachers Village, Barangay 2 sa San Carlos City, Martes sang hapon.
Ginklaro ni Police Captain Rodney Sarona, deputy chief sang San Carlos PNP nga tapos na ang klase, kag papauli na ang duha ka imbulbado nga estudyante sang nagluntad ang kinagamo, malayo sa school premises.
Gindala ang pilason nga estudyante sa San Carlos City Hospital samtang na-aresto naman ang suspek, nga naga-edad man sang 17-anyos.
Narekober sang kapulisan ang patalom nga gingamit sa insidente.
Nag-gwa sa imbestigasyon nga may daan nga nga pagdinumtanay ang grupo sang biktima kag suspek. Nagbalusay ang mga ini kag nag-abtanay sang Martes.
Frustrated homicide ang kaso nga posible ipasaka sa Child in Conflict with the Law nga karon yara sa custody sang Department of Social Welfare and Development-San Carlos.
“Clarify lang namon nga ang insidente, nagahambal sila nga sa sulod sang eskwelahan nga nag-alarma sa mga parents, which is wala man natabo sa sulod. Sa gwa naman na, papauli naman na sila tapos wala nagpuli, may ginkadtuan to sa Barangay 2, amo to nga nag-inaway. Guro estimate namon mga more or less 2 kilometers ang area, ang Barangay 2 from ila eskwelahan kay papuli naman ni sila. Kay ang ginapagwa abi nga ara lang sa sulod sang eskwelahan natabo nga may mga pulis man ta da”, suno kay Sarona.
[sibwp_form id=1]