Provincial Administrator sang Negros Occidental kag isa ka Executive Assistant ang ginpapanaugan sang suspension order sang Ombudsman. Sila ang natalana naman mag-file sang motion for reconsideration sa amo nga desisyon.
Anum ka bulan nga suspension from service without pay, sa sulod sang anum ka bulan ang ginpapanaog sang Ombudsman kay Provincial Administrator Rayfrando Diaz kag Executive Assistant Chery Sheil Valenzuela bangud sang conflict of interest.
Ini may angut sa reklamo kun sa diin gina-alegar sila ang may kapaslawan sa paghatag sang legal assistance sa Binalbagan sa expropriation case nga gin-file sang banwa.
Gina siling sa reklamo nga may yara sang conflict of interest bangud sila nga duha ang nag-appear bilang legal counsel sang JLL Agriculture and Development nga isa sa mga defendant sa amo nga kaso.
Ini ang natabo sang tion nga sila ang nagapungko bilang Provincial Administrator kag Executive Assistant.
Paathag ni Diaz, antes pa man siya nagpangalagad sa Gobyerno Probinsyal, kliyente niya na ang defendant.
Ila gintanyag sa amo nga tion ang amicable settlement, nga kun lantawon suno sa iya bentaha sa Binalbagan bangud tigaylo sang iga expropriate nga duta nga nahamtang sa tunga sang subdivision, ila gin-offer sang libre ini pero sa kilid na maga agi.
Ang amo nga subdivision plan aprobado man gani sang HLURB suno kay Diaz.
Natabo ini suno sa iya sang tion pa sang transition period kag wala na siya tigayon pa nga nag private practice dala sang kasakuon sa trabaho bilang provincial administrator.
Magahulat siya sang mangin desisyon ni Governor Eugenio Jose Lacson, pero sa sulod sang napulo ka adlaw humalin sang nabaton nila sang Biernes ang amo nga order sila ang maga file sang MR.
Ang administrative charges batuk sa ila ang na dismiss.
Na dismiss man ang administrative complaint batuk kay Provincial Legal Officer Alberto Nellas, Jr.
“Ma MR gid. Pero with the way the case is being decided, daw manigana na lang ko guro sang suspension”, suno kay Diaz.