Indi dapat pagkalipatan ang pagpangapin sa kaugalingon.
Ini suno kay Negros Occidental Governor Eugenio Jose Lacson kun mapaidalom gid man sa Alert Level 1 ang Negros Occidental ukon sa mas halog nga mga restriction.
Suno kay Lacson, sa karon nga sa Alert Level 2 pa lang gani ang probinsya, indi malikawan nga ang mga pang gawi sang mga pumuluyo nag kambyo na. Liwat nga gina pahanumdom ni Lacson nga sa gihapon yara pa ang virus kag dapat sa tanan nga tion maghalong.
Samtang, sa March 7 nga datus sang Provincial Incident Management Team, 5 ang new Covid cases sang probinsya kag 95 naman ang active cases.
Duha naman ang gin report Covid related deaths sa amo nga adlaw.