Sa 24 ka mga isolation kag quarantine facility sa Bacolod, katorse diri mga pampubliko nga eskwelahan nga ginpagamit sang Department of Education sang nagsaka ang Covid-19 cases.
Sa karon may duha na lang ka mga eskwelahan, ang Luisa Medel Elementary School kag ETCS 4, ang temporaryo nga gingamit sang Emergency Operations Center.
Suno kay Em Ang,executive director sang EOC, nalimpyohan kag napangkaayo na ang mga eskwelahan nga gingamit sa isolation kag quarantine kag handa na ini i-turn over sa DepEd.
May 70 tanan ka mga eskwelahan ang ginapaabot makasugod balik sa limited face to face classes sa bacolod sa masunod nga binulan.
May 45 man ka mga public schools ang natalana gamiton sang Commission on Elections bilang polling centers sa Mayo.