Patay ang magasawa kag ila sini hinablos matapos malumos sa baybayon sang Ayungon, Negros Oriental bangud man sang makusog nga pag bubo sang ulan sang weekend.
Suno sa municipal DRRMO, nagapangisda Sabado sang gab-i ang tatlo sang mag bubo ang makusog nga ulan kag ang pag kusog sang balod nag resulta sa ila pagkalumos.
Dominggo sang aga nasapwan ang bangkay sang misis nga si Michelle Pervante. Kahapon naman nasapwan ang iya mister nga si Benmar.
Kag kaina sang aga lang nasapwan ang bangkay sang ila hinablos nga Rogie.
Ang mabaskog nga pag ulan sa Negros Oriental ang dala man sang low pressure area nga yara pa sa gihapon sa karon sa sulod sang Philippine Area of Responsibility.