Bacolod Lone District Representative Alfredo Abelardo Benitez luyag nga mausisa ang mga power outages sa Visayas. Samtang, 3rd District Representative Javier Miguel Benitez kag 11 ka iban pa nga mamalidha, ang luyag nga mausisa ang reserve charges nga gin bayaran sang mga konsumedor.
Nag-file si House Speaker kag Bacolod Congressman Albee Benitez sang resolution nga naga direct sang House Committee on Visayas Development sa pag investigate sang naga lala nga power crisis sa Visayas grid.
Nag pabutyag sang pag ka alarma si Benitez sa sitwasyon. Iya ginsiling nga ang pirme nga rotational brownout sa Visayas region ang nag lawig na gikan sa mga isa ka oras nagadangat na sa lima tubtob siyam ka oras.
Naga tuga ini sang direct economic loss sa mga negosyo, naga apekto sa mga klase sa eskwelahan, kag naga butang sa delikado sa mga pasyente kag naga panubo sang investor confidence.
Luyag niya nga mapasabat ang mga stakeholders nga responsable kag mapaseguro ang isa ka stable kag masaligan nga power supply sa region.
Samtang, si Congressman Javi naman kag 11 ka iban pa ang nag-file sang House Resolution 1430 nga naga direct sang Committee on Energy sa pag inquire, in aid of legislation sa kun ano ang ginbayaran sang mga konsumedor sa Visayas para sa ancillary services sini nga tuig kag kun ang mga reserves nga ila gin bayaran na deliver gid man sang tion nga nag red alert ang grid. Sang Lunes gin-file nila ang resolution.
Ang ancillary services amo ang standby reserves nga gina bakal sang NGCP para masabat ang gulpiyada nga outages sang mga planta kasubong man ang tuman nga pagsaka sa demand.
Ini ang lubos nga gina pasa sa mga konsumedor suno press release ni Congressman Javi.
Ginsiling sang NGCP nga wala sila sang may gina ganar gikan sa ancillary services kag ila nga gina remit ang kwarta sa mga generation companies nga under contract kag sa Independent Electricity Market Operator of the Philippines para sa mga reserve nga gina bakal sa Reserve Market.
Suno kay Cong Javi kun ang kwarta nag agi sa NGCP may nag baton sini kag kun sin-o ang nag baton ang sarang mahingadlan.
Luyag man ni Cong Javi nga mahibaluan kun ang multa sa failure to deliver scheduled reserves ang napatuman sa idalom sang WESM Rules kag sang providers’ contracts.
[sibwp_form id=1]