Bwas na maga present ang probinsya para sa bidding sini sa pag host sang Palarong Pambansa 2024.
Si Governor Eugenio Jose Lacson, upod ang PIO sang Negros Occidental, Provincial Engineer Ernie Mapa kag Provincial Sports Coordinator Anthony Agustin ang nagpadulong sa Manila para sa bidding presentation sa DepEd Manila bwas.
Suno kay Governor Lacson, dapat nga yara gid ang presensya sang mga tiglawas. Iga present ni Lacson ang probinsya bilang isa ka sports destination. Ilakip sa pag pitch sang gobernador kun ngaa dapat ang probinsya ang maga host amo ang eksperiensya na sang Negros Occidental sa pag host Palarong Pambansa.
Ang Negros Occidental suno sa gobernador maka apat ka beses na nga naka host, isa man ka sports loving province ini kag ang pagkaon kag mismo ang lugar madamo sang sarang nga matanyag.
Indi lamang sports ang pwede masaksihan kun diri sa Negros ang Palarong Pambansa bangud pwede man ma saksihan ang festive mood sang mga Negrense bangud plano nga buksan ang mga LGU booth sa Panaad Park and Stadium sa tion sang amo nga hinampang.
Mangin venue amo ang Panaad kag ang mga eskwelahan sa Bacolod maga serbe nga mga billeting areas sang participants kag pila man diri ang maga serbe para sa pila ka sporting events suno kay Lacson.
Maga bid man ang Cebu City kag probinsya sang Antique. Damlag pa nag daog na ang probinsya sa bidding ugaling kay wala natigayon bangud sang pandemic.