Probinsya ang maga pahamtang sang bag-o nga filtration system sa dialysis center sini sa Don Salvador Benedicto Memorial District Hospital sa La Carlota City.
Temporaryo nga nagsira ang dialysis center sa La Carlota sumugod sang nagligad nga semana.
Suno kay Governor Eugenio Jose Lacson maga ilis sang bag-o nga service provider ang probinsya kag maga lawig sang indi magnubo sa duha ka semana kag ma human ang tanan.
Pila ka mga pasyente ang nabalaka sadtong Hulyo 1 sang magsira ang hemodialysis center sang probinsya sa La Carlota City.
Isa sa mga napautwas sang mga apektado nga pasyente amo nga wala sadto sang paathag bahin sa pagsira kag kun san-o magabukas.
Mabudlay suno sa ila ang pag saylo naman sa lain nga dialysis center.
Ginsiling sadto ni Provincial Administrator Rayfrando Diaz nga ang service provider sang hemodialysis center ang gulpi lang nag biya bangud luyag sini nga mapa hagan-hagan ang ila nga financial losses.
Dugang pa ni Diaz indi man mapadayon sang probinsya ang serbisyo bangud kinahanglan matinluan ang facility para ini ang mangin safe man sa mga pasyente.
Ang bag-o nga provider amo man ang provider sang probinsya sa dialysis center sini sa Silay kag Cadiz suno kay Lacson.
Suno sa gobernador handa ang probinsya sa pag hatag sang assistance sa mga apektado nga pasyente sa La Carlota kag sarang sila madala ayhan sa Silay ukon sa Cadiz.
Klaro ni Lacson mangin operational liwat ang dialysis center sa La Carlota.