Sa March 7 nga report sang Provincial Veterinary Office ang siudad sang Kabankalan ang may pinakamataas nga saka sa bili sang karne sang carabao kag baka nga yara sa 350 pesos ang kilo.
May pagsaka man sa presyo sang kada kilo sang baboy ilabi na sa Talisay City kag Hinigaran nga yara sa 300 pesos ang kilo.
Nagsaka man ang presyo sang baboy sa San Carlos City, Escalante City kag Silay City nga yara sa 290 pesos ang kilo.
Samtang, naga pabilin ang Victorias City nga may pinaka mahal nga saka sa presyo sang manok, 240 pesos ang kilo.
230 pesos naman ang kilo sang manok sa EB Magalona.
Suno sa Provincial Veterinary Office kun iga average, 6.43 pesos ang saka sa kada kilo sang carabeef, 3.86 pesos naman sa baka, 4.26 naman ang sa baboy kag 2.26 naman sa kada kilo sang manok.
Suno sa report ni Dr Renante Decena kay governor Eugenio Jose Lacson ang saka tuga sang manubo ukon diutay nga supply nga gina ihaw para sa merkado.
Ginahinyo naman sang Department of Agriculture ang mga local government units sa pag monitor sang presyo sang sini nga mga balaklon paagi sa tagsa nila nga mga local price coordinating council.