Isa naman ka shooting incident ang nagluntad kagab-i sa Purok Santo Rosario sa Brgy Bata sa Bacolod kun sa diin pilason ang 56 anyos nga amay nga si Joemar Lumawag.
Sa imbestigasyon sang PNP, naga pungko lang sa atubang sang iya tyangge kagab-i ang biktima upod ang iya nga anak sang ginpondohan siya sang riding in tandem kag gintiro.
Padayon nga ginabulong karon sa ospital ang biktima. Wala naman masamaran ang iya anak nga iya tupad.
Ginahibalo pa sang PNP kun ano ang motibo sang mga suspek sa pagpaniro.