Nagpa gwa sang temporary restraining order ang Supreme Court batuk sa Commission on Elections kag kay director kag spokesperson James Jimenez may angut sa pagpatuman sang Oplan Baklas.
May kaangtanan ini sa gin grant nga hinyo sang St. Anthony College of Roxas City batuk sa ginapatuman nga Comelec Resolution 10730 nga nagahatag puder sa comelec para mangakas kag mag confiscate sang mga iligal nga campaign materials ilabi na oversized tarps kag streamers nga yara sa private property.
Suno kay Atty. Revo Sorbito,acting election officer sang Comelec-Bacolod, magasunod sila sa TRO pero magapadayon gihapon ang task force baklas sa pagkakas sang mga illegal campaign materials nga yara sa public places,nalakip diri ang mga natapik sa gwa sang designated common poster areas.
May napulo ka adlaw nga gintalana ang Korte Suprema para sa Comelec nga mag submit sang komento angut sa petisyon sang tagreklamo.