Presyo sang live weight sang baboy sa karon ang nag sarorot sa P105 tubtob P110 ang kilo.
Ini suno kay Ric Lauron ang presidente sang Alliance of Hog Raisers Association of Negros Occidental, ukon AHRANO.
Yara sa P140 tubtob P160 kada kilo ang ila gina bulubanta nga gasto sa pag sagod sang baboy. Gani tuman ka pierde sa presyo ang P105 tubtob P110 nga live weight.
May yara sang floor price nga gin pa gwa ang probinsya pero suno kay Lauron indi ini masunod bangud ang trader indi man magbakal sa presyo nga gina tanyag.
Nagapati sila ni Lauron nga isa sa naga apekto sang presyohanay ang kadamuon sang imported nga baboy sa karon.
Ila nga panawagan nga kuntani paagi sa Provincial Price Monitoring Council lubos nga mapatuman nga floor price sa baboy kag ang ma-regulate ang imported pork.
Sila ang naga dihon sang ila nga panindugan kag mga tikang nga luyag ipatuman kag ipa dala sa mga ahensya nga maka bulig sa ila.
“Subong kami nga manug baligya ara lang kami sa kun pila lang ya sang ibakal sang aton nga trader. Kun ibaligya namon na mahal indi man sila mag bakal. Sila ang naga dikta sang presyo.
Amo na ang problema namon subong sang nagligad to daw P115/kilo pa (ang live weight) subong daw nanaog na kita sa P105-110. daku kaayo ang kapierdehan sina tungod nga ang amon cost to produce actually naga lambot siya P140 to 160, te kun baklon lang sa amon P110-115, te amo na ang difference nga gina suprer subong nga daku gid ya nga kapierdehan sang aton mga backyard hog raisers,” suno kay Lauron.
[sibwp_form id=1]