May 59 pa ka mga fish vendors nga wala gihapon naka bayad sang utang sa renta sa Burgos Public Market. May 29 man nga wala ka bayad sa vegetable section sang merkado.
Gani ginsiling ni Councilor Celia Flor, nga kun mapaslawan gihapon sila nga magbayad sa gin extend nga deadline sa Marso 31, iga-blacklist na sila agud indi maka-participate sa tion nga ipang-raffle ang ila pwesto sa interesado nga magbaligya sa merkado.
Nagalab-ot sa masobra 300 ka mga vendors ang ginsukot sang siudad sang tig-P16,000 nga utang.
Pila sa ila nagbayad sang minimum mga P5,000 kag iban nagpromisorry note.
Kun indi man nila mabayaran ang ila kulang nga utang maga-recommend man ang Local Market Committee nga ipa-raffle ang ila pwesto.