PPA nagahinyo sang exception sa ginapatuman nga development project sa gin-reclaim nga baybay sa Banago Port.
Natapos na sang Philippine Ports Authority ang 2-hectare reclamation project sa Banago Port.
Gani karon nagahinyo sila sang exception gikan sa Bacolod LGU para masuguran ang pagtukod sang administrative building kag iban pa nga infrastructure project nga kabahin sang ila development project.
Suno kay Frank Carbon, chief executive officer sang Metro Bacolod Chamber of Commerce and Industry, dako ang potential sang development project sang PPA sa Banago Port para mapalambo ang ekonomiya kag mapahagan-hagan ang pag gutok sang trapiko sa siudad.
Gindugang ni Carbon nga kabahin sa mga plano ang pagtukod sang inter-island shipping port sa lugar.
Nagalaum ang pamunuan sang PPA nga matigayon ang Port Zone Delineation para sa dugang nga mga development sini sa Banago Port.