Apat pa gid ka mga banwa kag siudad sa probinsya ang nagreport sang kahalitan tuga sang dry spell.
Nagdangat na sa karon sa pito ang LGU nga apektado. Suno sa Office of the Provincial Agriculturist, nag-report man sang kahalitan sa humayan ang Banwa sang Binalbagan, Moises Padilla, Hinoba-an kag Sipalay City.
Damlag pa nagreport na sang Kahalitan sang dry spell ang Himamaylan City, Isabela kag Cauayan.
Suno kay Dina Genzola, OIC-Provincial Agriculturist, nagdangat sa 12,807,000 pesos ang kahalitan sa 346 ka ektariya.
373 ka mga mangunguma ang apektado gikan sa 36 tanan ka mga barangay.
Kun may insurance ang mga mangunguma sarang nga makakuha sila sang assistance suno kay Genzola.
Ang mga apektado nga rice fields mga rainfed kag may yara man sang mga irrigated pero ini ang yara sa tail end.
“Kabay pa wala na sang magdugang. We’re monitoring also the rainfall, more than 20 LGUs naman, although there are some heavy, moderate kag light rains lang, at least naka balance sang temperature. Pero didto sa south daw wala gid, amo to sila ang mga affected nga area”, suno kay Genzola.