Application para sa kapin 12,000 ka mga bag-o nga PWD IDs ipatuman sang Bacolod LGU sa mga mall.
Plano sang Department of Social Services and Development – Person with Disability Affairs Office nga magtalana sang satellite offices sa Ayala Mall Capitol Central kag SM City agud suguran ang pag recall sang mga PWD IDs.
Suno kay DSSD OIC Alma Gustilo, maga issue sila sang temporary certificate para sa PWD id holders nga mag surrender sang ila mga IDs.
Ginpa recall ni Mayor Albee Benitez ang mga PWD IDs agud nga mabutangan sang QR code para indi mapeke.
Sa record sang DSSD may kapin 100 ka gatus nga mga PWD ids ang ila nadiskubrehan nga peke.
Luyag man sang alkalde nga ma-review ang issuance sang ids bangud sang reklamo nga may mga ID holders nga indi makabig person with disability.
Ang DSSD ang magapatigayon man sang house visit sa mga benepisyaryo nga bedridden agud maislan ang ila mga PWD ID.
Kutob na lang Pebrero 29 sarang magamit ang mga daan nga PWD IDs nga na-issue sang Bacolod LGU.