Ginpahayag ni PNP Region 6 Director B/Gen Jack Wanky nga sa bwas, Marso 27, iga-activate na sang Philippine National Police ang Police Regional Office – Negros Island Region.
Si DILG Secretary Jonvic Remulla ang gina paabot nga mangin dinapit nga bisita sa programa sa Accacia Hotel sa Bacolod.
Suno kay Wanky, ang mismo man nga mga pulis nga naka assign sa Bacolod kag Negros Occidental amo ang mangin pulis sa idalom sang PNP NIR kag indi na kinahanglan ang augmentation.
Ang talatapan sang PNP NIR lang ang itukod, pangitaan sang staff kag as of press time wala pa sang may ginhatag nga ngalan para mangin PNP NIR regional director.
Natalana nga iga anunsyo kun sin-o ang maga pamuno sang PNP NIR.