“Good to go” na ang kapulisan para sa May 2025 Elections.
Ini suno kay Police Brigadier General Arnold Thomas Ibay nga nagsiling nga plastado na ang tanan labi na ang ila nga deployment para sa May 12 Elections.
Ang ila nga ginalantaw sadto nga kakulang sang personnel para sa Negros Oriental ang napun-an na.
Suno kay Ibay, 360 ka police gikan sa Bacolod City PNP ang iga deploy sa Negros Oriental.
Zero-zero naman ang sa bahin sang Negros Occidental ukon nagakasayuran nga napun-an naman ang tanan nga kulang.
Magluwas sa pag pasiguro sang matawhay nga piniliay, nalakip man sa na plastar sang PNP ang contigency enkaso nga maglupok ang bulkan Kanlaon.
“We’re good to go. We are ready for the coming election. Wala naman kaming na monitor na iba pang mga problema, if there are na address naman namin lahat, particularly the concerns of Negros Oriental”, suno kay Ibay.