Gin-hold sang Bacolod LGU ang tanan nga balayran sa partner-hospital para sa Bacolod Comprehensive Health Program.
Ini tuga sang ginapatuman nga 10-day ayuda ban sang COMELEC humalin Mayo 2 asta 12.
Pero ginpahayag ni BacCHP Coordinator Mae Cuaycong nga ila nasugilanon ang ospital angut sa reimbursement agud nga indi maapektuhan ang pagpalab-ot sang hospital assistance sa mga pasyente.
Humalin sang natukod ang program sang nagligad nga tuig, may 18,000 na ang kabilugan nga mga pasyente ang nabuligan. Masobra na sa 300,000 ang mga BacCHP members.
May P137M nga local fund ang gintalana nga pondo para sa amo nga programa karon nga 2025 kag kada bulan indi magnubo sa P20M asta P80M ang ginabayad sa mga partner nga private hospitals.