Ano man ang mangin resulta sang natalana nga May 12 local elections nagpadala na sang memorandum ang DILG-Bacolod para sa igaporma nga LGU transition team sang outgoing administration.
Ginapaabot ni DILG Head Christian Nagaynay nga mag-issue sang executive order si Mayor Albee Benitez may kaangtanan sang mangin katapo sang transition team antes sa Mayo 30.
Ginpaathag niya nga importante ang pagpili sang katapo sang transition team agud mangin mahapos ang turn-over sang tanan nga mga financial plans kag iban pa nga dokumento nga kinahanglan sa pagsugod sang masunod nga administration.
Kabahin sa gina-recommend sang DILG ang city administrator, katapo sang konseho kag opisyal nga iga-appoint sang alkalde.