Shadow

PNP ginapat-ud kun may kaangtanan ang separado nga pagpaniro sa Brgy. 35 kag San Juan Street

Police Station 1 photo

Ginpaidalom na ballistic kag cross matching examination ang lima ka mga empty shell sang caliber 45 pistol nga separado na recover sa shooting incident sa Barangay 35 kag dalan San Juan sa Bacolod.

Suno kay Police Major Ramel Sarona, commander sang Police Station 1, may mga CCTV footage sila sang natabo nga pagpaniro.

Pero luyag man nila mapat-ud kun konektado ang separado nga pagpaniro.

Hunyo 8, sang gintiru kag napatay sang wala makilal-an nga gunman ang 59 anyos nga si jose Allan Braza. Ang biktima ang gina alegar asset sang CIDG.

Hunyo onse naman sang gintiro kag napatay sang nalagyo nga gunman ang katapo sang Task Force Kasanag nga si Jestoni Sabari sa dalan San Juan.

Tungod sang insidente, mas ginpabaskog pa sang PNP ang pagpatrolya, ilabi na sa bahin sang downtown area.

Secured By miniOrange