Shadow

Nag trending ang litrato ni Governor Lacson sang kahapon nga naga kaon sa sulod sang Bacolod Central Market

Nag trending kahapon ang ini nga litrato sang isa ka netizen kun sa diin makit-an si Negros Occidental Governor Eugenio Jose Lacson kag 3rd district Board Member Manman Kho nga naga panyaga sa isa ka eatery sa Bacolod Central Market.

Mismo sa comment section ginsiling sang mga netizens nga sa Goldy Eatery ini.

May mga nagdayaw, may mga nag duda kun ngaa nag pakalab-ot sa Central Market ang gobernador may nag kwestyun kun ngaa gn post gid.

Sa programa ni Teresa’s Time kaina sang aga sa FMR Bacolod gin siling ni Board Member Kho nga nakita sang gobernador ang video sang isa ka international vlogger nga si Luke Martin nga nag kaon sa isa ka carinderia sa central market gani luyag niya man nga tilawan.

Ang tag iya sang eater nga si Goldy nakibot lang kuno kay hinali na lang nag abot ang gobernador

Ang iban nga mga customer nag hingagaw pa gani kun kahapon sa ila store sang makita ang post pero wala na maka hingabot

25 tubtob 30 ka mga putahe ang gina handa nila ni Goldy kada adlaw kag 15 ka tuig na siya nga naga pwesto diri. Baisan paano nabulig buligan pa gid kuno sang gobernador nga masmakilala ang ila nga eatery.

Si Goldy may mga suki nga adlaw adlaw naga balik balik sa iya nga pagkaon.

Nalipay man siya nga sa pinaka una nga tiun may gobernador nga naka bisita sa iya nga kalan-an. Indi niya gid ini kuno malipatan.

Secured By miniOrange