Gilayon nga ginrespondehan sang San Carlos City PNP ang gin-report nga pamahog nga natabo online sa Colegio de Santa Rita. Gin istorya sang mga pulis ang mga madre nga naga dumala sang colegio.
Mga las 11:30 Miyerkules sang aga sang nakabaton sang tawag ang PNP gikan sa 911 Bacolod nga may isa ka ginikanan nga nabalaka matapos makita ang threat online.
Sa isa ka statement ginsiling sang Colegio de Santa nRita nga gina seryoso nila ang pamahog kag may mga ginpatuman na sila nga mga tikang.
Padayon nga gina trace ang gin himo nga account nga amo ang nag post sang pamahog kag ginpabakod na ang seguridad sa eskwelahan kaupod ang PNP.
Ginapanawagan sang tagdumalahan sang eskwelahan ang komunidad nga mangin kalma lang kay ini tanan gintugyan na sa PNP.
Damlag pa ginpakasuhan na ni San Carlos City Mayor Renato Gustilo sa PNP ang mga persona nga naghimo sang serye nga bomb threats sa siudad sang tinalikdan nga semana.
[sibwp_form id=1]