Nakuhaan sang closed-circuit television camera footages ang pagsulod kag pagpangawat sang isa ka lalaki sa isa ka establishment sa Cadiz City, pasado las 12 sang kaagahon sang July 11.
Pagkakita sang lalaki sa CCTV, iya ini ginliso.
Mga las 10 sang aga sa amo man nga adlaw, nadakpan sa buy-bust sang Cadiz PNP ang suspek nga ginkilala kay alyas “Ariel”, 30-anyos, taga Toledo City sa Cebu kag temporaryo nga nagatiner sa Andrea Village sa Cadiz.
Nakuha sa suspek ang P34,000 nga balor sang suspected shabu sa operation nga ginpatigayon sa Barangay Zone 2, Cadiz.
Kaso nga pagsupak sang Republic Act 9165 ukon Comprehensive Dangerous Drugs Act of 2002 ang ginpasaka kay alyas “Ariel” nga naga-obra bilang lineman kag electrician.
Suno sa Cadiz PNP, wala sang complainant nga nagpasaka sang kaso nga theft batok sa suspetsado.
[sibwp_form id=1]