Shadow

PNP: Dako ang posibilidadn nga kabahin sang nangawat sa bangko, empleyado man nila

Hinobaan PNP photo

Hinobaan PNP nag padala na sang kopya sang CCTV nga nakuha sa pagpangawat sa sulod sang banko, naga pati ang pnp nga posible isa sa mga suspek ang empleyado sang bangko.

Gin pahayag ni Major Clifford Batadhay, hepe sang Hinobaan PNP nga ila na ginpadala sa CyberCrime Group sang NOCPPO ang kopya sang CCTV video agud ma review ang natabo nga pag pangawat sa sulod sang banko sa banwa sang Hinobaan sang nag ligad nga semana kun sa diin nakuha ang kapin 1.3 milyones pesos nga cash.

Suno kay Batadhay makabulig ini agud ila ma identify ang suspek ukon mga suspek sa krimen.

Nakuhaan naman sang pnp sang affidavit ang tatlo sa anum ka mga empleyado sang banko kag suno kay Batadhay, dako ang posibilidad nga kabahin sa suspek ang isa sa mga empleyado.

Gina hulat man karon sang PNP ang resulta sang pagkuha sang finger print samples sa mga empleyado sang bangko kun bala may nag match sa nakuha man sang soco nga finger prints samples sa crime scene.

Leave a Reply

Your email address will not be published. Required fields are marked *

Secured By miniOrangeSecured By miniOrange