Pinakadako nga job fair patigayunon sang siudad sang Bacolod sa MassKara Festival. Indi lang mga bisita ang magadagsa sa MassKara Festival sa Bacolod sini nga Oktubre.
Suno kay Public Employment Service Office Coordinator Jovelyn Canoy, ginapaabot nila nga dugukan man sang mga job applicants ang ginakabig super job fair sang siudad sa Oktubre 16-17.
May masobra sa 15,000 ka mga job vacancies ang gintagyag sang mga local kag international companies kag placement agencies para sa job fair nga hiwaton sa event center sang Ayala Capitol Central kadungan sang tuigan nga selebrasyon.
Samtang, kaina ginsuguran naman sang PESO ang pag-release sang kapin sa P10M nga pondo para sa special program for employment nga gintalana sa malapit isa ka libo nga mga scholars sang siudad.