Transport Group ginaplano ang pag-untat byahe sa Bacolod sa Lunes.
Ang pag abolish sang City Ordinance 966 nga naga adopt sang Local Public Transport Route Plan ukon ang LTPRP kabahin sa panawagan sang United Negros Drivers and Operators Center ukon UNDOC kag Bacolod Alliance for Commuters, Operators and Drivers ukon BACOD upod sa Negros Bacolod Transport Coalition.
Ang LTPRP nagahatag giya para sa ginapatuman nga jeepney modernization program. Gani nagapati sila nga dapat ini mabasura agud padayon nga makabyahe ang mga traditional jeepney.
Bwas natalana ang press conference sang transport group agud mahanda ang pagpatigayon sang untat byahe sa lunes. Pero kasubong sang nagligad, indi naman mag upod sa amo nga lihok ang grupo sang Sentrong Samahan ng mga Tsuper at Operators Negros ukon SSTONE kag Federation of Bacolod City Drivers Association ukon FEBACDA.
Ginsiling ni Jun Asis, secretary general sang SSTONE nga ila na ginatugyan kay Mayor Albee Benitez ang pagpasiguro nga matagaan pa sang kahigayunan nga makabyahe tubtob Disyembre ang mga traditional jeepney sa siudad.