Gina tugyan na ni Negros Occidental Governor Eugenio Jose Lacson sa Provincial Legal Office ang pagpangusisa sa nadulanga abono sa bodega sang Rice Processing Center sa Tabunan, Bago City.
Suno kay Lacson, indi maayo ang natabo nga pagkadula sang 789 ka mga bag sang abono nga naga balor sang masobra 2.3 million pesos.
Dapat karon, nahibaluan na sang mga empleyadosang gobyerno probinsyal sa sini nga mga tion nga ang iya ngaadministrasyon seryoso kontra sa ano man nga mga anomalya. Indi na ini paandam ukon warning, bangud may mga nakakas nagani sa trabaho.
Dugang pa niya seryoso ang administrasyon sapag disiplina sang mga nagakasala nga empleyado. Kun ano ang iga recommend sang Provincial Legal Office iya ini ngapagasundon.
Damlag pa ginsiling sang PLO nga may gina usisasila nga duha ka empleyado sang Office of the Provincial Agriculturist kag tatlo ka mga security personnel sa pagkadulasang abono. Mahimo may lima nga mapapanaugan sang show cause order.