Shadow

Pila ka mga LGUs indi anay magbaton sang mga turista

Yara na sa tagsa ka alkalde ang magpatuman sang nagakaigo nga tikang para mapamatukan ang padayon nga pagsaka sang COVID-19 cases suno sa gobernador.

Ang banwa sang Hinigaran sa executive order ni mayor Nadie Arceo ang nagmando sumugod sini nga Domingo tubtob Mayo 16 sang pagsira sang mga establisimiento komersyal kada Domingo magluwas na lamang sa mga essential establishments. Wala man sang biyahe sa kada Domingo sa amo nga mga petsa ang mga public tricycle.

Nagsugod man subong nga adlaw ang pag paiway sang pagsulod sang mga turista sa Sipalay City. Ginadumilian man ang tourism related activities.

Ang Don Salvador Benedicto nag palawig man sang pagdumili sang mass gathering sa isa pa gid ka semana. Nalimitahan naman sa 50 percent nga capacity sang kalan an, kapehan kag mga accomodation sa banwa.

Gin recommend man ang pagsira anay sang mga resorts sa mga LGU nga may 3 digit nga active cases. Sa pito ka mga lgu nga may 3 digit active cases, suno kay Jennylind Cordero ang provincial tourism officer, sirado na ang mga resort sa Murcia kag Himamaylan City. Nalakip sa mga LGU nga may 3 digit active cases ang San Carlos City, Cauayan, Bago City, Cadiz City kag Kabankalan City.

Ginahaylo naman ang publiko nga mag pa rehisto sa S-Pass. Ini bilang pamaagi man nga mangin mahapos ang contact tracing.

Leave a Reply

Your email address will not be published. Required fields are marked *

Secured By miniOrangeSecured By miniOrange