Kun tigayon nga ma grant sang Korte Suprema ang hinyo sang mga petitioners nga naga pamatuk sa pag patuman sang Negros Island Region Act, mahimo ini ang maga pa delay sa katuman sang NIR.
Ini suno kay 5th District Congressman Dino Yulo nga nag siling nga ang lihok sang anum gikan sa Negros Oriental kag Siquijor ang kabahin sang gina tugutan sang laye kun luyag nila i-kwestion ang constitutionality sang NIR.
Pero naga panindugan si Yulo nga sa mga issue nga gin present sang mga petitioner, ang tikang sang mga mamalidha humalin pa man sadto ang santo sa gina mando sang laye.
Ang pagpasar sang NIR Act isa ka exercise sang gahum sang legislative kag kaalam sang executive branch ang gobyerno suno sa iya.
Pero bahin sa petisyon suno sa iya, yara na ang desisyon sa Korte Suprema kag pananglitan nga ma grant ang temporary injunciton nga ginhinyo sang anum maga apekto ini sa timeline sang NIR.
Sa karon padayon nga gina hulat ang Implementing Rules and Regulation kun sa diin naka patpat mismo ang timeline.