Patay ang isa ka lalaki matapos ginbuno sa Goldenfield Commercial Complex sa siudad sang Bacolod, Martes sang gab-i.
Base sa inisyal nga impormasyon, ginsita sang biktima nga si “John Rey” ang suspek nga si alyas “Timmy”, nga nagsugat sa iya anay nobya sa isa ka lodging house.
Nagluntad ang komosyon kag naglagsanay ang duha tubtob nga nabun-an ni “Timmy” si “John Rey”. Nakaangkon ang biktima sang madamo nga pilas.
Nadakpan naman ang suspek kag siya ang pasakaan sang kaso nga homicide.
Ginsiling ni Bacolod City Police Office director Col. Eugene Rebadomia, personal nga away ang ginalantaw sa pagpatay sa biktima apang wala pa sila sang kumpirmasyon kun bala may angot ini sa babaye.
Sa karon, padayon ang operation sang awtoridad batok sa mga mga bugaw kag illegal sex workers sa siudad.*
[sibwp_form id=1]