Nagdangat na sa 150 ka ektariya sang kahilamunan lakip na bahin sang kagulangan nga sakop sang 4km permanent danger zone sang bulkan Kanlaon ang nasunog.
Suno kay Mt Kanlaon Natural Park Superintendent Philip Lechoncito kahapon, Abril 28, ang pinaka ulihi nga sunog nga nag luntad sa upper Alabasi sa Brgy Masulog sa Canlaon City nga nagsugod las 6 sang gab-i.
As of press time ginsiling ni Lechoncito wala pa napalong ang kalayo nga nag apekto sa mga isa ka ektariya.
Ginalantaw nga gintunaan sini amo ang pag puhag sang putyukan. Masami nga ginapaasuhan ang putyukan para mapuhag ini gani kun kaisa indi ma kontrol rason nga nagakasunog.
Sang Abril 19 may nagluntad man nga sunog sakop sang Sitio Pastohan sa Masulog sa La Castellana. May sunog man nga nagluntad sa area sang Biak-na-Bato kag Sitio Mananawin, Barangay Masulog sa La Castellana.
Suno kay Lechoncito ang ining mga natungdan nga sunog ang wala sang kahilabtanan sa mga pagbuga sang bulkan.
Mahimo ang iban sini nga sunog ang gintuga man sang pag puhag sang putyukan kag iban indi pa gid mapat-od ang rason. Mahimo nga may nagluntad nga incidental fire tuga man sang tuman nga kainit sang panahon.
Sa 150 hectares nga kabilugan nga estimated area nga nasunog, 100 hectares diri mga kahilamunan, ang nabilin nga 50 hectares may bahin sang kagulangan ukon mga kakahuyan kasubong man kahilamunan.
“Ang dira man to una nga naglupok nga daku, dira na siya sa Alabasi man, (bulkan) Kanlaon related to siya. Napalong na to siya. Ang aton nga existing sa other side nga ara sa may Biak-na-Bato atong ligad mo nga pamangkot sa akon amo na siya possible nga putyukan man galing nag lapta n a gid ang kalayo”, suno kay Lechoncito.*
[sibwp_form id=1]