Tutokan sang Bacolod City Police Office nga hugot na nga mapatuman ang ordinansa sa siudad nga naga-regulate sa mga barker sa pampubliko nga lugar, ilabi na sa public plaza.
Paagi sa City Ordinance 08-15-729, luyag sang BCPO nga mas pabaskugon ang ila pagbantay sa palibot sang plaza agud malikawan ang pagpamentaha sang mga barker nga ginatunaan man sang kinagamo kun kaisa.
Ginsiling ni BCPO Director Police Colonel Eugene Rebadomia nga madamo na sang kaangay nga mga reklamo gikan sa mga motorista ang napadangat sa ila talatapan, rason nga nakipang-angut na sila sa Bacolod Traffic and Transport Management Department para sa pag deploy sang mga personnel.
Masobra sa 20 ka mga barker ang yara sa plaza sandig sa ila pagpang-usisa.
Dugang ni Rebadomia, may mga reklamo sila nga nabaton nga ginadumili-an sang iban nga barker nga mag park ang iban motorista bangud ila ini gina reserve sa mga nagabayad sa ila.
Sa karon, nagapakig-angut na ang BCPO sa BTTMD kag sa Anti-Mendicancy Division sang DSSD matapos matukiban nga iban sa mga barker ang sa plaza na mismo nagatulog kaupod ang ila mga pamilya.*
[sibwp_form id=1]