Peke nga RT-PCR test result sang isa ka authorized person outside residence ukon APOR ang natukiban sang talatapan ni Bacolod Councilor Ayesha Villaflor.
Base sa post ni Villaflor sa iya social media account, kahapon nabaton sang ila talatapan ang amo nga S-Pass application sang 38 anyos nga apor gikan Cebu.
Pero makit-an sa RT-PCR test result sang apor nga mayo 31 nakuha ang iya specimen kag hunyo uno naman nagwa ang result.
Bangud advance ang mga petsa nga nakabutang sa resulta, ginakabig ni Villaflor nga peke ang amo nga dokumento.
Gintugyan na ni Villaflor sa Bacolod Emergency Operations Center ang pagpakig angut sa molecular laboratory para i-verify ang test result.
Damlag pa, ginpahayag sang Bacolod EOC nga indi ini ang nahauna nga tion nga may mga natukiban sila nga peke nga rt-pcr test result sa mga naga inabot nga persona sa siudad.
Ila nga ginatugyan sa City Legal Office ang pagpasaka sang nagakaigo nga kaso sa persona nga responsable.