Ginbawi-an sang kabuhi ang isa ka pedestrian matapos mabungguan sang pickup truck sa Araneta Street sa Purok Medalla Milagrosa sa Barangay Sum-ag, Bacolod City sadtong Nobyembre 1 sang gab-i.
Nagatabok sa dalan si alyas “Ramon”, sang Brgy. Taloc sa Bago City, sang siya ang ginbungguan sang pickup truck.
Ginamaneho ang pickup truck sang isa ka Chinese national nga si alyas “Jianbo”, 38-anyos, residente sang Tangshan City, Hebei sa China, kag temporaryo nga naga-istar sa Brgy. Lag-asan sa Bago.
Padulong sur sang dalan Araneta ang Chinese national sang iya mabungguan ang pedestrian.
Suno sa report, sang mag-abot ang nag-responde nga ambulansya, wala na sang “signs of life” ang nasambit nga pedestrian. Gindala ang iya bangkay sa ABE Funeral Homes.
Samtang, detained sa Bacolod Police Station 9 ang foreign national.*