Gintiro kag napatay ang isa ka barangay kagawad sa Barangay Tambad, banwa sang Cauayan, Negros Occidental, las singko, Lunes sang kaagahon.
Ang biktima, isa man ka aktibo nga miyembro sang anti-communist organization.
Nag-gwa sa imbestigasyon nga anum ka mga lalaki nga armado ang nagpadulong sa balay sang biktima kag gintawag siya. Sang nag-gwa ang biktima, ginmanduan siya sang mga lalaki nga magpungko, kag ila siya gintiro sang makapila ka beses.
Nakaangkon sang igo sang bala sa dughan kag tyan ang biktima, nga gindeklarar dead on arrival sa Cauayan Health Center.
Nagporma na ang Police Regional Office-Negros Island Region sang Special Investigation Task Group (SITG) nga magatutok sa imbestigasyon sang pagpatay sa kagawad kag mga motibo nga may kaangtanan sa posisyon sang biktima sa barangay kag kaangtanan sa SAMBAYANAN-Cauayan Chapter, isa ka anti-communist group.